ISFT instituti Samarqand filiali va Ankara Yıldırım Beyazıt University o‘rtasida ikki muhim xalqaro hujjat — Memorandum of Understanding (MoU) hamda Erasmus+ Inter-Institutional Agreement (KA171) imzolandi.

Mazkur kelishuvlar ikki oliy ta’lim muassasasi o‘rtasidagi akademik va ilmiy hamkorlikni mustahkamlash, talabalar hamda professor-o‘qituvchilar uchun yangi xalqaro imkoniyatlarni yaratishga xizmat qiladi.
Talabalar uchun imkoniyatlar
Erasmus+ dasturi orqali Yevropa universitetlarida tahsil olish;
Grant asosidagi akademik almashinuv dasturlarida ishtirok etish;
Bir semestr yoki bir o‘quv yili davomida xalqaro ta’lim va madaniy tajriba orttirish;
Xalqaro akademik muhitda bilim va ko‘nikmalarni rivojlantirish.
Professor-o‘qituvchilar uchun imkoniyatlar
Erasmus+ doirasidagi xalqaro mobillik dasturlarida qatnashish;
Malaka oshirish va ilg‘or tajribalarni o‘rganish;
Qo‘shma ilmiy tadqiqotlar va akademik loyihalarni amalga oshirish;
Xalqaro ilmiy hamjamiyat bilan hamkorlikni kengaytirish.
Ushbu hamkorlik ISFT institutining xalqaro ta’lim makonidagi mavqeini mustahkamlash, ta’lim sifatini oshirish hamda Yevropa oliy ta’lim tizimi bilan integratsiyani kengaytirish yo‘lidagi muhim qadam hisoblanadi.
ISFT — global imkoniyatlar sari ishonchli qadam.