2026-yil 8-may kuni ISFT Samarqand filialida “Hackonnect va Techstars ekotizimi orqali talabalar uchun imkoniyatlar” mavzusida xalqaro seminar tashkil etildi. Tadbir institutning Ilmiy va Yoshlar bilan ishlash bo‘limlari hamkorligida o‘tkazilib, talabalarga startap ekotizimi va innovatsion loyihalarni rivojlantirish bo‘yicha muhim bilimlar berildi.

Seminarda Techstars kompaniyasi vakili, xalqaro mutaxassis Madina Zokirova ishtirok etib, talabalarga startap g‘oyalarni amaliy loyihaga aylantirish, xalqaro platformalarda ishtirok etish hamda innovatsion tashabbuslarni rivojlantirish bo‘yicha tavsiyalar berdi.
Muloqot davomida talabalar xalqaro startap ekotizimi imkoniyatlari bilan yaqindan tanishib, o‘z loyihalari bo‘yicha mutaxassisdan fikr va tavsiyalar oldilar. Tadbir yakunida istiqbolli startap loyihalarni rivojlantirish yuzasidan muhim rejalar belgilab olindi.