ISFT Samarqand filialida Buyuk Britaniyaning nufuzli University of Greenwich bilan strategik hamkorlik yo‘lga qo‘yildi. Endilikda talabalar O‘zbekistondan chiqmagan holda Dual Degree tizimi asosida ikki diplom — ISFT va University of Greenwich diplomlarini qo‘lga kiritish imkoniyatiga ega bo‘ladilar.

Mazkur hamkorlik doirasida ta’lim jarayoniga Buyuk Britaniya professorlari jalb etiladi hamda o‘quv dasturlari xalqaro standartlar asosida tashkil etiladi. Talabalar global mehnat bozori talablariga mos bilim va ko‘nikmalarni egallab, xalqaro darajada raqobatbardosh mutaxassisga aylanish imkoniga ega bo‘ladilar.
University of Greenwich — London va Kent hududlarida joylashgan, 1890-yilda tashkil etilgan va yuqori akademik nufuzga ega bo‘lgan yetakchi davlat tadqiqot universitetidir. Ushbu loyiha orqali ISFT negizida xalqaro akademik muhit shakllantiriladi.