ISFT instituti va SIUT o‘rtasidagi ilmiy hamkorlik doirasida navbatdagi seminar-trening bo‘lib o‘tdi. Institutning “Xalqaro moliyaviy boshqaruv” kafedrasi tomonidan tashkil etilgan ushbu tadbir zamonaviy iqtisodiyotning dolzarb masalalaridan biriga bag‘ishlandi.

Muloqot “Kredit va uning zarurati: Biznes strategiyasidagi o‘rni va istiqbollari” mavzusida kechdi. Unda moliyaviy instrumentlar (Financial Instruments) tahliliga alohida e’tibor qaratildi. Seminar ma’ruzachisi sifatida Fransuz oliy muhandislik va tadbirkorlik maktabi (FHSEC) dekani, ayni paytda SIUT professori Jimbo Claver ishtirok etdi.
Professor Jimbo Claver o‘z ma’ruzasida kredit mexanizmlarining biznes rivojidagi strategik ahamiyati hamda moliyaviy bozorlardagi investitsiya vositalari haqida fundamental bilimlar bilan o‘rtoqlashdi.
Seminar davomida quyidagi masalalar amaliy misollar asosida yoritildi:
zamonaviy moliyaviy instrumentlarni biznesda qo‘llash ko‘nikmalari;
kredit resurslaridan samarali foydalanish orqali kompaniya qiymatini oshirish;
xalqaro moliya bozorlaridagi so‘nggi tendensiyalar.
ISFT instituti kelgusida ham xalqaro nufuzga ega mutaxassislar ishtirokida shu kabi ilmiy-amaliy seminarlarni davom ettirishni rejalashtirmoqda.
Ijtimoiy tarmoqlardagi rasmiy sahifalarimizni kuzatib boring!