Bahorning eng go‘zal ayyomi — 8-mart munosabati bilan ISFT instituti jamoasida haqiqiy bayram shukuhi hukmron.

Bugun institutimizning fidoyi ayol ustozlari, xodimalari va har bir intiluvchan, latofatli talaba qizlarimiz uchun ehtirom ko‘rsatilib, samimiy tabriklar yo‘llandi. Yigitlar jamoasi tomonidan taqdim etilgan bahoriy guldastalar va shirin sovg‘alar barchaga olam-olam quvonch ulashdi.

Aziz ayollarimiz va suyukli talaba qizlarimiz! Sizlarning nafosatingiz va bilimga bo‘lgan ishtiyoqingiz institutimizning chinakam ziynatidir. Bayramingiz bilan muborakbod etgan holda, barchangizga sihat-salomatlik, bitmas-tuganmas baxt va bahoriy tarovat tilaymiz.

Yuzingizdan tabassum, qalbingizdan ezgulik hech qachon arimasin.