"Adiblar xiyobonida"
14-may kuni "Adiblar xiyobonida" o'zbek adabiyotining mashhur namoyondalaridan biri G'afur G'ulom hayoti va ijodiga oid ma'naviy-ma'rifiy tadbir tashkil etildi.
Tadbirda institutning Yoshlar masalalari va ma’naviy-ma’rifiy ishlar bo‘yicha prorektori, bo‘lim boshliqlari, professor-o‘qituvchilari hamda talaba-yoshlari ishtirok etdi.
Tadbirda Yoshlar masalalari va ma’naviy-ma’rifiy ishlar bo‘yicha prorektor Z.Norquziyeva G‘.G‘ulomning hayoti va ijodi yuzasidan ma’lumotlar berib o‘tdi.
Ushbu tadbirda O‘zbekistonda xizmat ko‘rsatgan madaniyat xodimi, shoir Bobur Bobomurod ham ishtirok etib, G‘afur G‘ulorning ijodiga qisqacha to‘xtalib, o‘zining ijod namunalaridan o‘qib barchani xushnud etdi.
Shuningdek, talabalarning bilim va zehnlarini sinovdan o‘tkazish maqsadida G‘.G‘ulomning ijodiga oid savollardan iborat viktorina o‘tkazildi.
Talabalar tomonidan kuy va qo‘shiqlar ijro etildi. Talabalar ishtirokida tashkil etilgan “Arqon toritish” milliy o‘yinlari barchaga yaxshi kayfiyat ulashdi.