ISFT instituti hamda Multimedia University (Malayziya) o‘rtasidagi strategik hamkorlik doirasida tashkil etilayotgan iNVENTX 2026 xalqaro innovatsiya va ixtirolar ko‘rgazmasida ishtirok etish imkoniyatini qo‘ldan boy bermang. Ushbu nufuzli platforma professor-o‘qituvchilar, talabalar, tadqiqotchilar va startap asoschilari uchun o‘z ilmiy ishlanmalari, innovatsion g‘oyalari va texnologik yechimlarini xalqaro miqyosda namoyish etish imkonini beradi.

Tadbir doirasida sun’iy intellekt (AI), robototexnika, raqamli texnologiyalar va zamonaviy muhandislik yo‘nalishlariga alohida e’tibor qaratiladi. Ishtirokchilar o‘z loyihalarini xalqaro ekspertlar, investorlar va sanoat vakillariga taqdim etish, yangi hamkorlik aloqalarini yo‘lga qo‘yish hamda global innovatsion muhitga kirish imkoniyatiga ega bo‘ladilar.

Arizalar 2026-yil 30-aprelga qadar qabul qilinadi. Ko‘rgazma 2026-yil 2-iyul kuni Malayziyaning Cyberjaya shahridagi Multimedia University kampusida bo‘lib o‘tadi. Bu siz uchun global miqyosda tan olinishi va loyihangizni yangi bosqichga olib chiqish uchun muhim imkoniyatdir.