ISFT instituti Samarqand filiali hamda SQB Bank mintaqaviy ofisi o‘rtasida rasmiy hamkorlik memorandumi imzolandi. Ushbu kelishuv oliy ta’lim va bank sektorini integratsiya qilish, talabalarning nazariy bilimlarini amaliyot bilan mustahkamlashga qaratilgan.

Ochiq muloqot tarzida o‘tgan uchrashuvda bank mutaxassislari zamonaviy bank tizimi, moliyaviy texnologiyalar, mijozlarga xizmat ko‘rsatish standartlari hamda kadrlar siyosati haqida batafsil ma’lumot berdilar.

Hamkorlik doirasida moliya va iqtisodiyot yo‘nalishi talabalari uchun amaliyot va stajirovkalar yo‘lga qo‘yiladi, bank mutaxassislari ishtirokida mahorat darslari tashkil etiladi. Talabalar real bank muhitida tajriba orttirib, professional ko‘nikmalarini rivojlantiradilar.