2026-yil 14-aprel kuni ISFT institutiga Slovakiya Respublikasining Bratislava shahrida joylashgan nufuzli Iqtisodiyot va menejment universiteti (Bratislava University of Economics and Management – BUEM) delegatsiyasi tashrif buyurdi. Ushbu tashrif institutimiz talabalari uchun Yevropa ta’lim tizimiga yo‘l ochuvchi muhim strategik qadam bo‘ldi.

Uchrashuv yakunida tomonlar o‘rtasida rasmiy Memorandum (MoU) hamda Erasmus+ dasturi doirasidagi hamkorlik bitimi imzolandi.

Hamkorlikning asosiy yo‘nalishlari:

• Bakalavriat va magistratura bosqichlari uchun “1+1” va “3+1” formatidagi qo‘shma diplom dasturlari
• Talabalar va professor-o‘qituvchilar uchun akademik almashinuv dasturlari
• Xalqaro konferensiyalar va ilmiy-tadqiqot loyihalarini birgalikda tashkil etish

Tashrif davomida mehmonlar Samarqand kampusidagi zamonaviy infratuzilmani yuqori baholab, talabalar bilan ochiq muloqot o‘tkazdilar. Mazkur hamkorlik talabalarimiz uchun Yevropa oliy ta’lim makoniga integratsiya qilish va xalqaro darajadagi mutaxassis bo‘lib yetishish imkoniyatlarini kengaytiradi.